Ішкі бақылау қызметінің тарапынан жүргізілген бақылау қорытындысы бойынша Қылмыстық-атқару жүйесі комитетіне ведомстволық бағынысты мекемелері және кәсіпорындарының жұмысында кемшіліктер анықталды.

Оның ішінде тауар, жұмыс және қызмет көрсетуді мемлекеттік сатып алуды жүзеге асыру барысында жиі кездесетін бұзушылықтар мемлекеттік сатып алу туралы заңнама нормаларының сақталмауы болып табылады.

Еңбекақы төлеу бойынша бұзушылықтар әрбір ҚАЖ мекемелері мен қәсіпорындарда анықталды, айталық еңбекақы кәсіпорындар мен мекемелердің кассаларынан қолма-қол ақша түрінде беріледі, кәсіпорын жұмысшыларына, соның ішінде сотталғандарға еңбек ақы төлеу бойынша берешектер бар.

  Бюджет есебінен алынған негізгі құрал-жабдықтар тиімсіз пайдаланылады.

  Дебиторлық және кредиторлық берешектерді жасыру фактілері де  барлық ҚАЖ бөлімшелерінде кездеседі.

Қаржыландыру жоспарларына өзгертулерді уақытында енгізбеу нәтижесінде ҚАЖ-дың барлық бөлімшелерінде тамақ өнімдерін бір мекемеден басқа мекемеге беруге жол берілген.

  «Еңбек» РМК «Еңбек-Қызылорда» филиалында анықталған кемшілік фактісі бойынша материалдар ағымдағы жылы құқық қорғау органдарына қайтадан жіберілді.

  Сонымен қатар, негізгі құрал-жабдықтардың жетіспеуі және баға ұсыныстарының негізсіз ауытқуы фактілері бойынша қазіргі таңда құқық қорғау органдарға жіберу үшін 3 материал әзірленді.

Бұдан басқа, «Әкімшілік құқық бұзушылық туралы» Қазақстан Республикасы Кодексінің 177-178-баптарына сәйкес Ішкі бақылау қызметі лауазымды тұлғалардың әрекеттерінде әкімшілік құқық бұзушылықтар белгілері бар деген күдікпен 10 объекті бойынша материалдар уәкілетті органға жіберілді: Атырау, Оңтүстік Қазақстан және Батыс Қазақстан облыстары бойынша ҚАЖ комитетінің басқармаларында, Атырау облысы бойынша УГ 157/9 мекемесінің, Оңтүстік Қазақстан облысы бойынша ИЧ-167/2, ИЧ-167/3, ИЧ-167/10 мекемелерінің, 2 Оңалту орталығы, «Еңбек-Шымкент» РМК және Қарағанды облысы бойынша әділет департаментінің.

  2010 жылғы 1 шілдеде әкімшілік өндіріп алу туралы қаулымен Қазақстан Республикасы Қаржы министрлігінің Қаржылық бақылау комитетінің аумақтық бөлімшелері айыппұл ретінде 5 объектінің лауазымдық тұлғасынан айыппұл түрінде 707,0 мың теңге сомасында әкімшілік өндіріп алуға тартқан: Оңтүстік Қазақстан облысы бойынша ҚАЖК басқармасы, Атырау облысы бойынша УГ 157/9, Оңтүстік Қазақстан облысы бойынша ИЧ-167/2, ИЧ-167/3, ИЧ-167/10 мекемелері.

Сонымен қатар, бақылауда анықталған бұзушылықтарға болашақта жол бермеу мақсатында бақылау объектілері басшылыққа алатын бірқатар нормативтік құжаттарға заңнамадағы өзгерістер ескеріле отырып өзгерістер мен толықтырулар енгізілмегендіктен, бюджеттік қаражатты бөлуді және игеруді реттейтін нормативтік базаны жетілдіру ұсынылғандағын атап өту қажет.