Құрметті Нұрсұлтан Әбішұлы !
Елдегі тыныштық, тұрақтылық , шет мемлекттермен достық қатынаста болуымыз, елдің әлеуметтік - экономикалық жағдайының жылдан жылға жақсарып келуі сіздің әуел бастан стратегиялық дұрыс саяси бағыт ұстана білгендігіңіздің арқасы деп түсінеміз. Сол себепті мен өзімнің және жанұямның атынан Сіздің жүргізіп отырған сясатыңызды қолдайтынымызды және еліміз үшін үлкен жауапкершілікті мойныңызға алып, бар күш жігеріңізді , біліміңізді жұмсап, азғантай уақытта мемлекетімізді көптеген жетістіктерге жеткізгеніңіз үшін Сізге үлкен ризашылығымызды білдіргім келеді.
Соңғы кезде жиі көтеріліп жүрген сыбайласжемқорлыққа қарсы күрес, қазақ тілінің мәртебесін көтеру мәселелеріде өз уақытында көтеріліп отыр. Өз уақытында дейтін себебім , тіл мәселесіне қатысты, тәуелсіздік алған жылдары , әрине, тез шешуді қажет ететін бұданда көкейтесті мәселер тұрғанын, көрші Ресей мемлекетімен қатынасымызды, оның үстіне өз мемлектіміздің ішінде әр ұлттың өкілдері тұратынын , олар мен қосылып өз қандастарымыздың , соның ішінде жас мемлекет үшін ауадай қажет жақсы деген мамандарымыздың дені қазақ тіліне қарағанда орыс тілін жақсы меңгергендіктерін ескеру қажеттігі болғандағын жақсы түсінемін.
Өкінішке орай, Тіл туралы заңның қабылданғанына он екі жылдай уақыт өтседе, тіл мәселесіне келгенде көптеген «орысша шенеуніктеріміздің» белсенділік таныта алмай, іс жүзінде ешқандай нәтиже шығара алмай, айтқандарының бәрі сөз жүзінде қалып , сөздің қадірін кетіріп, заңның беделін түсіріп, заңнын орындалуына келгенде оған халықты күдікпен қарайтындай халге жеткізіп отырғандары белгілі.
Сол себепті, Сізден, тәжірибелі заңгер есебінде менің төмендегі қысқаша білдірген пікірімді ескерсеңіз деп сұраймын.
1. Конституцияға және Тіл туралы, Мемлекетік қызмет туралы т.б тілге қатысты заңдарға өзгерістер енгізу (яғни, Конституциямызда қарастырылған 7 бабтың 2 тармағын толықтай алып тастау т.б) жөнінде бастама көтеріп, Парламентте талқыға салуға ұсыну. Бұл бастама депутаттар тарапынан қолдау табады ғой деп ойлаймын.
2. ҚР Бас прокурорына , тіл комитеті, т.б. құзырлы ұйымдар мен мекемелерге жаңадан қабылданған Тіл туралы заңның қатаң сақталуын қадағалауға тапсырма беру.
3. Заңның сақталмауына байланысты жауапкершілікті барынша күшейту.
4. Барлық мемлекттік ұйымдар, мекемелер, ведомстволарда кадр мәселесін шешуде, соның ішінде саяси қызметкерлергеде қатысты, депутаттық лауазымға үміткерлердің, кандидаттардың тіл туралы заңды сақтай алу мүмкіндіктеріне баса назар аудару.
Сыбайлас жемқорлыққа қарсы күресті күшейтуге қатысты пікірім.
1. Сыбайлас жемқорлыққа жол беретін , мүмкіндік беретін барлық Заң актілерін қайта талқыға салып, оларға өзгерістер енгізу. Сыбайлас жемқорлыққа қатысты құқ бұзушылық түрлері әсіресе құқық қорғау саласында , белгілі бір қызметпен айналысуға рұқсат, лицензия беретін, тендр өткізетін мемлекттік ұйымдармен мекемелерде, әсіресе жергілікті атқарушы органдарда, мемлекеттік қызметке мамандар қабылдау үшін конкурстар өткізуде барлық мемлекеттік ұйымдармен мекемелерде, медицина , білім беру т.б салаларында көбрек орын алып отыр.
Сол себепті, 2, кез келген конкурс, тендр, барынша жариялы болса, интернет , ақпарат беттерінде онда қатысқан үміткерлер саны, үміткерлерге қойылған сұрақтар, олардың жауаптары, жасақталған протоколдар, конкурсқа табыс етілген құжаттардың тізімі, көшірмелері, мазмұны жария етілсе, ал мүмкіндігінше осының бәрін тікелей бақылай алу мүмкіндігін жасау.
3. Оларды өткізу барысында құрамы Ұлттық Қауіпсіздік Комитеті, Прокуратура, Қаржы полициясы, БАҚ өкілдерінен т.б. Қазақстанның әр өңірінің тәуелсіз мамандарынан құралған бақылаушылар қатыстыру және олардың құрамы ауыспалы, бір-бірін танымайтын, сондай-ақ конкурс немесе тендр өткізетін органға , мекемеге алдын-ала белгісіз болуы көптеген заң бұзушылықтың алдын аларма еді деген пікірім бар және бұндай тәжірибені, заңмен қарастырылған шектеулерді сақтай отырып сот мәжілістерінде, оқу орындарына түсу және ондағы сессия аралық емтихандар тапсыру барысында жетілдіруді қарастыру көбірек нәтиже бередіғой деп ойлаймын.
Сізге хат жолдауымның тағы бір себебі, өзіңіздің жалпы философиялық, дінге көзқарасыңызды қысқаша болсада білдірсеңіз немесе сіздің бұл бағыттағы көзқарасыңыз қай философтың , ойшылдың, дінтанушының көзқарасымен көбірек сәйкес келетінін білгім келгені еді.
Соңғы халықпен тікелей эфирде жүздесуіңізде, бір көрерменнің «қандай кітаптар оқисыз, қалай таңдайсыз ? » деген сауалына: «маған көмекшілерім таңдап береді, қазір филосов, ойшыл Сенеканың еңбектерін оқып жатырмын, өте қызықты кітап» - деп жауап қайтарған болатынсыз. Сізден кейін Луций Анней Сенека жөнінде менде оқыған едім, мағанда өте ұнады. Алдағы уақыттада сіздің оқып жатырған кітаптарыңызды көмекшілеріңіз интернетте жариялап отырса деген тағы бір өтінішім бар.
Хат иесі
Астана қаласы,
Қабанбай батыр даңғылы 5\1 үй, 80 пәтер
тұрғыны Исатай Конай
Ұялы тел. 8 701 767 34 34
Үй тел. 50-91-68
Электронды почта: Isatai.Konai@gmail.com
